Архив событий

08/09/2017

Митрополит Александр: «Конституцияны қабылдау мен оның әлеуетін арттыру Президентіміздің сарабдал саясатының арқасында мүмкін болды»

08/09/2017

Жоғарғы Сот Төрағасының атына Астана және Қазақстан Митрополиті Александрдан хат келіп түсті. Онда ол Қайрат Мәмиді Қазақстан Республикасының Конституциясы күнімен құттықтай келе, «Қазақстанның жаңа заманғы тарихындағы Ата Заңымыздың нормаларына сәйкес жүргізілген кешенді реформалар еліміздің экономикалық өсімін қамтамасыз етіп, саяси тұрақтылығын нығайтып қана қоймай, халықаралық аренадағы Республиканың беделін арттырады» деген ойын жеткізген.

Қазақстан Республикасы Судьялар одағының Орталық кеңесінде Парламент Мәжілісі депутаттарын «Үш би» төсбелгісімен марапаттау рәсімі өтті

08/09/2017

Қазақстан Республикасының Конституциялық күнін мерекелеу аясында республиканың Судьялар одағы Орталық кеңесінің төрағасы Мұсабек Әлімбеков  Қазақстан Республикасы Парламенті Мәжілісінің депутаттарымен кездесті.   

Іс-шара барысында М.Әлімбеков Қазақстан Республикасы Судьялар одағы Орталық кеңесінің атынан Қазақстан Республикасы Парламенті Мәжілісінің депутаттары Анар Жайылғанова және Евгений Козлов сот жүйесiнің дамуына қосқан үлесi мен жоғары кәсiптiк дағдылары үшін  «Үш би» құрмет белгісін салтанатты түрде табыстады.

Ақтөбе облыстық сотында мұраға қалған пәтердің үлесін бөлу туралы дау партисипативтік тәртіппен шешілді

08/09/2017

Ағайынды бес туыс өздеріне мұраға қалған пәтердің талапкерлерге тиесілі 1/5 және 2/5 мөлшеріндегі және жауапкерлердің 1/5 мөлшеріндегі үлесін бөліп беру туралы талап арызбен сотқа жүгінді.

Бұл пәтерде ешкім тұрмауына және әр талапкердің өз баспаналары болуына байланысты пәтерді пайдалану тәртібін анықтау қажеттілігі туындаған жоқ. Пәтер екі іргелес бөлмеден тұратындықтан, үлесті бөлу мүмкіндігі болмауына орай, Ақтөбе қалалық сотының шешімімен талапты қанағаттандырудан бас тартылды.

Шығыс Қазақстан облыстық сотының судьялары қылмыстық процесті одан әрі реформалау жөнінде ақпараттандырды

08/09/2017

Шығыс Қазақстан облыстық сотының қылмыстық істер жөніндегі сот алқасының судьялары Гүлжан Абдрахманова мен Айжан Абуова  журналистерге арналған брифингте қылмыстық процесті одан әрі реформалау және құқық қорғау қызметін жетілдірудің басқа да  аспектілері бойынша сөз сөйледі.

Брифинг барысында Мемлекеттік кірістер департаментінің экономикалық тергеу қызметінің, облыс прокуратурасының, Әділет департаментінің, ІІД өкілдері журналистердің сауалдарына  жауаптар берді.

Жамбыл облысында сот мектептің бұрынғы директорына пара алғаны үшін 5 миллион теңге мөлшерінде айыппұл салды

08/09/2017

Жамбыл облысы Тұрар Рысқұлов аудандық соты орта мектептің бұрынғы директорына қатысты қылмыстық істі қарап, оны Қазақстан Республикасы Қылмыстық кодексінің 366-бабының 1-бөлігімен айыптады.  

Оңтүстік Қазақстан облыстық сотында атқарушылық жазба институтын қолдануды кеңейту мәселелері талқыланды

08/09/2017

Оңтүстік Қазақстан облыстық сотында судьялар, нотариустер, Әділет департаментінің қызметкерлері, сот орындаушылары, қоғамдық ұйымдар және тұрғындарға коммуналдық қызмет көрсететін кәсіпорын өкілдері атқарушылық жазба институтын қолдануды кеңейту мәселелерін талқылады.

Пікірлер мен ұсыныстар